بسم الله الرحمن الرحيم
من زمااااااااااان اوي والارض كورة عمرها ما قررت تكون هرم مثلا ولا مكعب ولا متوازي مستطيلات ومن زمااااااااااان اوي بردو والكورة دي عمالة تلف تلف تلف عمرنا ما حاولنا نسالها انتي دوختي من كتر اللف ولا لا . اهي عمالة تلف وخلاص .
وطول عمر الحيوان حيوان وهيفضل حيوان عشان تكون عارف .
مرة بقول كده لواحد صاحبي في طب اتدايق اوي وقالي اني كده بضرب بنظرية التطور عرض الحائط .
مع ان الحائط اللي هو كان بيشاور عليه كان حائط كبير وانا معرفش احركه اصلا ( يلا مش مهم ) .
بس والله العظيم الحيوان هيفضل حيوان . بس المشكلة ان الانسان مش عايز يصدق .
الانسان ماله بس؟
زمااااااان كانت الانسان بيقوم من النوم الصبح مبتسم يغسل وشه ويصلي ركعتين .
دلوقتي بيقوم من النوم مش طايق نفسه وطبعا اول حاجة بيعملها انه يبص بصة غبية في الساعة بعين نص مقفولة ونص مفتوحة وكان عينه بتعبر عن كرهها للنور .
اول حاجة بيعملها يفتح التليفزيون علي قناة اغاني ( يمكن يفرفش شوية ولا حاجة ) ويسيب التليفزيون مفتوح ويدخل الحمام وطبعا لازم التليفزيون يكون عالي علي الآخر عشان يسمع الاغاني وهو في الحمام .
شفتو التطور عمل فينا ايه ؟؟ بالزمة ده تطور ؟؟
ناهيك طبعا عن كل التناقضات اللي موجودة في التليفزيون . وكلها متصنفة تحت كلمة التطور و الحرية .
حبة امثلة :
1- برامج التليفزيون بعد الضهر ( مجلة المراة - عالم حواء - للنساء فقط - صبايا - بيت الموضة - صباح الخير يا مراة - كل سنة وانتي مراة يا مراة - برنامج المراة بالعند في الرجالة - ازي الصحة يا مراة - ........ الخ ) مع ان المراة مش بتتفرج علي البرامج دي اصلا .. هي الستات بقت فاضية ؟؟ دول بيتعبو اكتر من الرجالة دلوقتي والمستفيد الوحيد من البرامج دي المزيعة اللي بتقدم البرنامج وطبقة معينة من سيدات الاعمال اللي هما اصلا فاشلين في حياتهم الزوجية وعندهم عقد وكلاكيع بيطلعوها علينا .
2- برامج التليفزيون بردو بتاعة انا كذاب بس بقول الحق : يعني تلاقي المزيع من دول فجاة اكتشف انه بيعرف يزيع قالك اما اشتريلي كامرتين واكلم خالي اللي ماسك قناة الهبل العربية علي النايل سات واروح عند استوديو جمادة الاقرع اللي علي اول الشارع واعملي كام بوستر كده واروح اقدم برنامج واسم البرنامج معروف طبعا ( الحقيقة المستخبية علي ايديا هتبقي واضحة زي الشمس يا عنيا ) ويجيب البواب ومراته ويحفظهم شوية كلام ويطلعو بقي في البرنامج يعيطو والمشاهدين طبعا تعاااااااااااااايط وهما يعيطو واحنا نعاااااااااااااااايط وفي الاخر البرنامج يخلص والمزيع يدي البواب خرطوشة سجاير وياخد مراته ويمشي .
3- برامج الداعية الديني الجديد ( حلال يا ابني ) طبعا انتو عارفين الفتاوي الجهنمية اللي بتطلع الكام يوم دول فمش هتكلم كتير في الحوار ده بس بجد اكتر فتوي عجبتني كانت فتوي بتقول ان ( 3 سجاير وانت صايم ميفطروكش في رمضان لو شربت اكتر من 3 سجاير تبقي فاطر ) no comment .
وخد عندك بقي طقم الرقاصين والعوالم اللي بيعرفو يغنو بوسطهم وظهرهم ووشهم و بكل حتة في جسمهم ...... الخ .
كلو دماغنا الله يحرقهم . الواحد معتش عارف الصح فين والغلط فين .
وطبعا واخد انت بالك معايا من الحشيش اللي بقي بيتوزع مع الكتب المدرسية دلوقتي و طبعا شيء اساسي اي تلميذ مش بيشرب سجاير لازم يترفد من المدرسة وفي الجامعة ممكن تلاقي يفطة مكتوب عليها اشتري قرشين حشيش وخد التالت هدية .
انا اعرف واحد كل يوم ينزل يصلي الفجر وبعد ما يصلي ويخرج من الجامع يقف يولعله سيجارتين .
هو فاكر انه بينزل عشان يصلي بس انا عارف انه بينزل يشرب السيجارتين .
وطبعا الدراسة في الجامعة اللي بتدرس فيها كل حاجة ما عدا الحاجة اللي هتشتغل فيها .
الناس عمالة تطلع فوق واحنا بننزل تحت .
انا اتصدمت اوي لما عرفت ان كلمة PEPSI اختصار لكلمة pay every pence to save Israeil
انا وصحابي كلنا اتصدمنا لدرجة اننا طلبنا طقم بيبسي عشان نروق دمنا .
وطبعا كلنا عارفين الآنسات اللولبيات اللي ماليين الجامعات
للاسف احنا بنقنع نفسنا ان اللي احنا فيه ده تطور بس انا عايز افكركم ان الارض لسا كورة بس مش متاكد اذا كان الحيوان هيفضل حيوان زي ما انا بقول ولا صاحبي عنده حق وممكن نظرية التطور تتحقق .
انا عايز كل واحد فيكم يكتب راية بصراحة عن التطور
علي العموم شكرا يا بنيآدمين
من زمااااااااااان اوي والارض كورة عمرها ما قررت تكون هرم مثلا ولا مكعب ولا متوازي مستطيلات ومن زمااااااااااان اوي بردو والكورة دي عمالة تلف تلف تلف عمرنا ما حاولنا نسالها انتي دوختي من كتر اللف ولا لا . اهي عمالة تلف وخلاص .
وطول عمر الحيوان حيوان وهيفضل حيوان عشان تكون عارف .
مرة بقول كده لواحد صاحبي في طب اتدايق اوي وقالي اني كده بضرب بنظرية التطور عرض الحائط .
مع ان الحائط اللي هو كان بيشاور عليه كان حائط كبير وانا معرفش احركه اصلا ( يلا مش مهم ) .
بس والله العظيم الحيوان هيفضل حيوان . بس المشكلة ان الانسان مش عايز يصدق .
الانسان ماله بس؟
زمااااااان كانت الانسان بيقوم من النوم الصبح مبتسم يغسل وشه ويصلي ركعتين .
دلوقتي بيقوم من النوم مش طايق نفسه وطبعا اول حاجة بيعملها انه يبص بصة غبية في الساعة بعين نص مقفولة ونص مفتوحة وكان عينه بتعبر عن كرهها للنور .
اول حاجة بيعملها يفتح التليفزيون علي قناة اغاني ( يمكن يفرفش شوية ولا حاجة ) ويسيب التليفزيون مفتوح ويدخل الحمام وطبعا لازم التليفزيون يكون عالي علي الآخر عشان يسمع الاغاني وهو في الحمام .
شفتو التطور عمل فينا ايه ؟؟ بالزمة ده تطور ؟؟
ناهيك طبعا عن كل التناقضات اللي موجودة في التليفزيون . وكلها متصنفة تحت كلمة التطور و الحرية .
حبة امثلة :
1- برامج التليفزيون بعد الضهر ( مجلة المراة - عالم حواء - للنساء فقط - صبايا - بيت الموضة - صباح الخير يا مراة - كل سنة وانتي مراة يا مراة - برنامج المراة بالعند في الرجالة - ازي الصحة يا مراة - ........ الخ ) مع ان المراة مش بتتفرج علي البرامج دي اصلا .. هي الستات بقت فاضية ؟؟ دول بيتعبو اكتر من الرجالة دلوقتي والمستفيد الوحيد من البرامج دي المزيعة اللي بتقدم البرنامج وطبقة معينة من سيدات الاعمال اللي هما اصلا فاشلين في حياتهم الزوجية وعندهم عقد وكلاكيع بيطلعوها علينا .
2- برامج التليفزيون بردو بتاعة انا كذاب بس بقول الحق : يعني تلاقي المزيع من دول فجاة اكتشف انه بيعرف يزيع قالك اما اشتريلي كامرتين واكلم خالي اللي ماسك قناة الهبل العربية علي النايل سات واروح عند استوديو جمادة الاقرع اللي علي اول الشارع واعملي كام بوستر كده واروح اقدم برنامج واسم البرنامج معروف طبعا ( الحقيقة المستخبية علي ايديا هتبقي واضحة زي الشمس يا عنيا ) ويجيب البواب ومراته ويحفظهم شوية كلام ويطلعو بقي في البرنامج يعيطو والمشاهدين طبعا تعاااااااااااااايط وهما يعيطو واحنا نعاااااااااااااااايط وفي الاخر البرنامج يخلص والمزيع يدي البواب خرطوشة سجاير وياخد مراته ويمشي .
3- برامج الداعية الديني الجديد ( حلال يا ابني ) طبعا انتو عارفين الفتاوي الجهنمية اللي بتطلع الكام يوم دول فمش هتكلم كتير في الحوار ده بس بجد اكتر فتوي عجبتني كانت فتوي بتقول ان ( 3 سجاير وانت صايم ميفطروكش في رمضان لو شربت اكتر من 3 سجاير تبقي فاطر ) no comment .
وخد عندك بقي طقم الرقاصين والعوالم اللي بيعرفو يغنو بوسطهم وظهرهم ووشهم و بكل حتة في جسمهم ...... الخ .
كلو دماغنا الله يحرقهم . الواحد معتش عارف الصح فين والغلط فين .
وطبعا واخد انت بالك معايا من الحشيش اللي بقي بيتوزع مع الكتب المدرسية دلوقتي و طبعا شيء اساسي اي تلميذ مش بيشرب سجاير لازم يترفد من المدرسة وفي الجامعة ممكن تلاقي يفطة مكتوب عليها اشتري قرشين حشيش وخد التالت هدية .
انا اعرف واحد كل يوم ينزل يصلي الفجر وبعد ما يصلي ويخرج من الجامع يقف يولعله سيجارتين .
هو فاكر انه بينزل عشان يصلي بس انا عارف انه بينزل يشرب السيجارتين .
وطبعا الدراسة في الجامعة اللي بتدرس فيها كل حاجة ما عدا الحاجة اللي هتشتغل فيها .
الناس عمالة تطلع فوق واحنا بننزل تحت .
انا اتصدمت اوي لما عرفت ان كلمة PEPSI اختصار لكلمة pay every pence to save Israeil
انا وصحابي كلنا اتصدمنا لدرجة اننا طلبنا طقم بيبسي عشان نروق دمنا .
وطبعا كلنا عارفين الآنسات اللولبيات اللي ماليين الجامعات
للاسف احنا بنقنع نفسنا ان اللي احنا فيه ده تطور بس انا عايز افكركم ان الارض لسا كورة بس مش متاكد اذا كان الحيوان هيفضل حيوان زي ما انا بقول ولا صاحبي عنده حق وممكن نظرية التطور تتحقق .
انا عايز كل واحد فيكم يكتب راية بصراحة عن التطور
علي العموم شكرا يا بنيآدمين